Û nêrgiz Bişkivîn ê li Festîvala Montrealê bê nîşandan
KurdishCinema.com / 20 Tebax 2006

Fîlmê kurdî ”Û nêrgiz Bişkivîn” di beşê dervayî pêşbirkê de ê
di Festîvala Montrealê de bê nîşandan. Festîvala Cîhanî a
Filman a Montrealê a 30ê îsal ê di navbera 24ê agustosê û
4ê îlonê de pêk bê. Serokê Festîvalê Serge Losique bi
civîneka çapemeniyê programê festîvlalê ragihand.

Îsal ê ji 76 welatan 215 fîlmên dirêjkêş, 194 fîlmên navîn û
Kurt bên nîşandan. Ê premîera 106 fîlman li wê derê bê kirin û 58 fîlm jî cara pêşîn
li amerîkaya bakur bên nîşandan. Di beşê pêşbirka resmî a festîvalê de 24 fîlm ê di
ber hev bidin.

    Fîlmê kurdî ”Û nêrgiz Bişkivîn” di beşê dervayî pêşbirkê de ê
    bê nîşandan. ”Û nêrgiz Bişkivîn”, senaryo ji bal Hussein
    Hasan Ali, Massoud Arif Salih, wêne ji bal Mohammad Jano,
    deng ji bal Hossein Ghoorçian, montaj ji bal Hayde Safi-Yari,
    muzîk  A.J. Sargerrma hatiye amadekirin.

Yên ku tê de rol girtine Hussein Hassan Ali, Massoud Arif Salih, Bakir Kovli,
Mohammed A. Artişi, Ismail Zuber, Şahin Kivork, Hakar Mohsin, Awaz, Casum,
Beybun, Suleiman, Arazu ne Derhênerê fîlmî Şevin for Art production, Cinê FK2
production (France) e.

Peywendî, organîzator û dîstrîbutorê fîlmî Cinê FK2 Production e. Berpirsê giştî
Şuayb Adlig li ser karûbarê belavkirin û xwenasandina fîlmê ”Û nêrgiz Bişkivîn” wiha
ragihand Netkurdê:

    ”Ev bû 12 meh ez bi filmê ”Û nêrgiz Bişkivîn” xizmet û kar
    dikim ji bo resmiyetê, ji bo kopî û tercuma binnivis ,çêkirina
    afîş û kataloga wê.

    Piştre ji meha 12'an 2005 vir de ez ketim lêgerîn-têkiliyan bi
    berpirsên fêstivalên navnetewî re. Bêguman ji serî hêyani îroj
gelek astengî û zor ketin pêşiya min, ev karên wisa tenê zanebûn û hebûna tekniki
têr nake, îmkanên aborî lazim in, ew ji li ba me  tuneye.

Şirketa min Cine FK2 Produc. Fermî endama merkeza sinemaya Fransayê ye.

Filîm resmî wek ê kurdên Iraqê ye. Em bi wê statuyê ketin festîvala BERLINALE a
56an. Dibên “denge zirnê ji dûr ve xweş tê." Lê ez û berpirsên festivalan dizanin ku
çi buyiye.




Piştî biserxistina li Berlinalê, min ”Û nêrgiz Bişkivîn”  xist festîvala welatên erêban li
Parisê ji bo nasandin û xurtkirina bazara li Evropayê û ya ereban. Yekem car e ku
filmekî kurdi xistin beşa yekem a musabakatan. Festival di 22 temuza 2006ê de
pêk hat.

Festivala ku ez gelekî serê xwe pê dêşinim festîvala Montrealê ye. Wan em qebûl
kirine. Em ê li dervayî pêşbirkê fîlmê xwe nîşan bidin.

Piştre belkî li San Francisco, Belçika festivala sînêma Evrupî, ya li
Namure,  Valancia a li Îspanyayê ya meha çiriyê(october) ê pêk
bên. Em mihawele dikin ku beşdarê wan jî bin. Çiriya paşîn li du
cihên cudÎ hene: italiya u Polonyayê. Pişt re jî vegave haziri u
peyvediye xwe ji bo beşdarbûna Oscarê dikim. Eger qebûl kirin ê
gelek baş be.  

çawkani: www.netkurd.com